ក្រុមហ៊ុនអាកាសចរណ៍ជាតិ Air Cambodia បានសម្រេចជោគជ័យ ក្នុងការដំណើរការជើងហោះហើរពាណិជ្ជកម្ម លើកដំបូង ជាមួយអ្នកដំណើរជាច្រើន ដោយប្រើយន្តហោះ Airbus-A320 នៅអាកាសយានដ្ឋានអន្តរជាតិតេជោ កាលពីថ្ងៃទី ៤កញ្ញាឆ្នាំ២០២៥ នេះ។

ក្រុមហ៊ុនបានឲ្យដឹងថា ​ការហោះហើរនេះ បានប្រព្រឹត្តទៅដោយរលូន ទាំងក្នុងផ្នែកបច្ចេកទេស ការបម្រើ និងបទពិសោធន៍អ្នកធ្វើដំណើរ។ វាជាសញ្ញាបញ្ជាក់ដ៏សំខាន់មួយ នៃការចូលរួមរបស់កម្ពុជា ទៅក្នុងវគ្គថ្មីនៃវិស័យអាកាសចរណ៍។

គួររម្លឹកឲ្យដឹងផងថា អាកាសយានដ្ឋានអន្តរជាតិតេជោ នឹងបើកដំណើរការផ្លូវការ នៅថ្ងៃទី៩ ខែកញ្ញា ឆ្នាំ២០២៥។ ក្រុមហ៊ុន Air Cambodia ក៏រួចចំណែក និងបន្តប្តេជ្ញាថា នឹងផ្តល់សេវាកម្មអាកាសចរណ៍មានគុណភាពខ្ពស់ ដើម្បីលើកកម្ពស់សេដ្ឋកិច្ច និងទេសចរណ៍ជាតិ។

ប្រភព៖​ ទំព័រហ្វេសបុកផ្លូវការ Air Cambodia