គម្រូផ្ទះជប៉ុនភាគច្រើន ត្រូវបានពួកខាងបស្ចឹមប្រទេស ពិពណ៌នាថាមានលក្ខណៈមិនធម្មតា ហើយខ្លះទៀតក៏រាងប្លែក។ នេះក៏ព្រោះតែ តាមវិធីខ្លះ គម្រូផ្ទះទាំងនោះមានរូបរាងស្រដៀងទៅនឹងរថយន្ត ហើយខ្លះទៀតកាន់តែបាត់បង់តម្លៃនៅពេលដែលពួកវាចាស់ទៅ។ ដោយសារតែបញ្ហានេះហើយទើបខាងក្រុម Architizer ពន្យល់ថា ស្ថាបត្យករនិងម្ចាស់ផ្ទះចាប់ផ្តើមធ្វើការច្នៃប្រឌិតជាបន្តបន្ទាប់ “ការពិតដ៏គួរឱ្យភ្ញាក់ផ្អើលនេះ ផ្តល់នូវអនាគតនៃទីលំនៅទាំងនេះ ដែលអាចប្រើប្រាស់បាន ដែលធ្វើឱ្យម្ចាស់ផ្ទះកាន់តែមានឆន្ទៈ ក្នុងការប្រថុយនឹងការរចនាដោយខ្លួនឯងជាបន្ត។”

ក៏មានការពន្យល់បែបបុរាណនិងចាស់ជាងនេះ ពីអ្នកនិពន្ធនិងស្ថាបត្យករ Naomi Pollock ដែលបោះពុម្ពផ្សាយដោយ Phaedon ដែលបានកត់សម្គាល់ថា “ទំលាប់នៃការរុះរើនិងសាងសង់ផ្ទះឡើងវិញ រកឃើញអាទិភាពក្នុងការអនុវត្ត មុននៃការជំនួសផ្នែកនីមួយៗនៃអគារ។” 

Pollock ពន្យល់ថា “នៅពេលដែលផ្នែកមួយបានស្រោបពីខាងក្រៅ អ្នកនឹងយកវាមកដាក់នៅផ្នែកថ្មី។ ដូចគ្នានឹងវិធី ដែលប្រសិនបើ Shoji screen paper បែក អ្នកនឹងយកវាមកជួសជុល និងប្រើវាឡើងវិញ។ ផ្ទះចាស់ៗត្រូវបានដាក់ជាប់នឹងស៊ុមឈើដ៏ធំមួយ ដែលត្រូវបានចងភ្ជាប់គ្នាហើយវាអាចត្រូវបានយកទៅទុកចោលដូចជាប្រដាប់ប្រដាក្មេងលេង ហើយសាងសង់កន្លែងណាមួយឡើងវិញ។

នេះហើយជាមូលហេតុដែលផ្ទះថ្មីមួយនៅ Minohshinmachi នៅខាងក្រៅអូសាកា ដោយលោក Yasuyuki Kitamura កំពុងទទួលបានការចាប់អារម្មណ៍ខ្លាំង។ វាមិនចម្លែកទេ ហើយវាសាមញ្ញបំផុត ហើយចំណាយតិចបំផុត តាមដែលអ្នកអាចទទួលបាន។ វាត្រូវបានពិពណ៌នានៅក្នុង V2com ថា៖

"ផ្ទះនេះគឺជាអគារមួយជាន់មានដំបូលប្រក់រលុងសាមញ្ញ ហើយបរិមាណនេះនៅរក្សាឲ្យទាប ដូច្នេះវាអាចបន្តជាមួយការបន្ធូរអារម្មណ៍បាន ជាមួយទេសភាពដែលនៅជុំវិញ។ បន្ថែមដោយថវិកាសាងសង់មានកំណត់ រចនាសម្ព័ន្ធត្រូវបានសាងសង់ដោយប្រើឈើធម្មតា វិធីសាស្រ្តសាងសង់ដោយមានសសរទាំងអស់មានទំហំ ៤ អ៊ីញ (១០៥ មីលីម៉ែត្រ) រាងជាការ៉េ ហើយសសរទាំងអស់នោះត្រូវបានសាងសង់ដោយប្រើរចនាសម្ព័ន្ធជាលោហៈធម្មតាផងដែរ។”

វាត្រូវបានរចនាឡើងជាមួយនឹងគោលការណ៍ទាំងនោះ ដែលត្រូវបានគេប្រើជាលក្ខណៈសម្គាល់នៃការរចនាប្រកបដោយនិរន្តរភាព ជាមួយនឹងខ្យល់ចេញចូល និងវិមាត្រដែលមានទំហំ និងខា្នតវាស់ត្រឹមត្រូវ ដែលអាចទប់ស្កាត់កម្តៅពីព្រះអាទិត្យនៅរដូវក្តៅទៀតផង។ តាមពិតទៅ វាមិនមានអ្វីច្រើនទាល់តែសោះ គឺគ្រាន់តែ សសរ ធ្នឹម និងក្តារបន្ទះប៉ុណ្ណោះ។

"ខណៈពេលដែលមើលទៅហាក់ដូចជាស្រាល និងសាមញ្ញបំផុត តែផ្ទះមានភាពធន់នឹងការរញ្ជួយដីខ្លាំងណាស់ ដោយសារវិធីសាស្រ្តសាងសង់ឈើបែបបុរាណ ដែលត្រូវបានប្រើក្នុងការបង្កើតថ្មី។ នៅក្នុងការបង្ហាញគួរឱ្យកត់សម្គាល់ គម្រោងនេះបង្ហាញថាភាពអស្ចារ្យអាចត្រូវបានសម្រេច ដោយមធ្យោបាយដ៏សមរម្យ។"

ផែនការនេះមិនអាចមានលក្ខណៈសាមញ្ញជាងនេះទេ។ វាមិនធំសម្រាប់ទំហំ ៨៧២ ហ្វីតការ៉េ ដោយមានបន្ទប់គេងពីរនៅជ្រុងម្ខាង កន្លែងទំនេរនៅកណ្តាលសម្រាប់ការរស់នៅ កន្លែងបរិភោគអាហារនិងផ្ទះបាយ ដោយមានជួរឈរចំនួន ២ កំណត់ចន្លោះនីមួយៗ។ បន្ទាប់មកនៅផ្នែកម្ខាងទៀត បន្ទប់ទឹកជប៉ុនត្រឹមត្រូវដែលមានបង្គន់ដាច់ដោយឡែក បន្ទប់ទឹកសើម (ofuro) និងកន្លែងផ្លាស់ប្តូរសំលៀកបំពាក់ស្ងួត ជាមួយនឹងកន្លែងលាងចាន និងម៉ាស៊ីនបោកគក់។ ក៏មានផ្លូវដើរទៅរកទូខោអាវដ៏ធំទូលាយមួយផងដែរ។

ក្រុមស្ថាបត្យករបានពិព័ណ៌នាគម្រោងនេះថា៖

“យើងបានស្វែងរកអនាគតនៃស្ថាបត្យកម្មបរិស្ថាន ហើយគោលដៅរបស់យើងគឺដើម្បីកសាងឡើងវិញនូវទំនាក់ទំនង ដែលបានបំភ្លេចចោល រវាងបទដ្ឋានក្នុងតំបន់ និងបរិស្ថានធម្មជាតិដែលនៅជុំវិញ។ លទ្ធផលគឺជាប្រភេទអគារថ្មីមួយដែលបន្ថែមពីលើការអនុវត្តលំនៅដ្ឋានខ្ពស់ មានអារម្មណ៍កាន់តែច្បាស់ថា វាដូចជាផ្នែកមួយនៃធម្មជាតិ ជាងទីតាំងទេសភាព។”

ដូចផ្ទះជប៉ុនជាច្រើនផ្សេងដែរ ប្រហែលជាវាមិនមានអ៊ីសូឡង់ច្រើនទេ ហើយក៏មិនមានប្រព័ន្ធកម្តៅ ឬត្រជាក់នៅផ្នែកកណ្តាលដែរ។ អ្នកដកម៉ាស៊ីនកំដៅប្រេងកាតចេញ នៅពេលអ្នកត្រូវការវា ឬបើកបង្អួចនៅពេលក្តៅខ្លាំង។ វាជាវិធីផ្សេងនៃការគិតអំពីការរចនាប្រកបដោយចីរភាព ដែលអ្នកធ្វើបានតិចតួចតាមដែលអាចធ្វើទៅបាន។ វាពិតជាដូចជម្រុំ ជាងការកាន់កាប់។ ហើយបន្ទាប់ពីការពិភាក្សាជាច្រើនឆ្នាំ អំពីផ្ទះជប៉ុនដ៏ចំលែកនេះ វាជាការរីករាយក្នុងការមើលដំណោះស្រាយសាមញ្ញ និងឆើតឆាយបែបនេះ។